صينية دجاج بالخضروات فى الفرن | أكلات و وصفات | مصر

صينية دجاج بالخضروات فى الفرن


المكونات :

6 x عدد فص ثوم

6 x عدد بطاطس (مقشرة ومقطعة مكعبات(

3 x معلقة كبيرة دقيق

3 x عدد قرنفل

3 x عدد بصل أخضر

2 x عدد بصل

2 x عدد ورق لورا

2 x عدد جزر (مقطعة(

2 x عدد طماطم

1 x معلقة صغيرة كمون

1 x معلقة صغيرة كركم

1 x معلقة صغيرة بابريكا

1 x معلقة صغيرة زعتر

1 x معلقة صغيرة فلفل أحمر مطحون

1 x عدد فلفل أخضر حلو (مقطعة(

1 x معلقة صغيرة كزبرة جافة مطحونة

1 x معلقة صغيرة فلفل اسود مطحون (أو حسب الرغبة(

1 x معلقة صغيرة ملح (أو حسب الرغبة(

1 x كوب زيت قلي

1 x كوب ماء

1 x كوب مشروم

1 x كيلو دجاج (مقطعة(

1 x كوب كريمة لبّاني


طريقة التحضير :

ü      في بولة كبيرة هنضيف الدجاج و الملح , والفلفل , والبابريكا , والفلفل الاحمر , والكزبرة , والكمون , والكركم , وهنقلب الدجاج كويس جدا فى البهارات.

ü      فى طاسة على النار هنسخن ربع كوب من الزيت.

ü      هنرش القليل من الدقيق على قطع الدجاج وهنضيفها للطاسة على دفعات، مع التقليب الخفيف إلى أن تصبح ذهبية اللون.

ü      هننقل قطع الدجاج لصينية فرن عميقة قليلا.

ü      فى الطاسة اللى حمرنا فيها الدجاج هنضيف البصل وهنقلبه فى الزيت الي ان يصبح لونه أصفر فاتح.

ü      هنضيف الثوم , البصل الخضر , الفلفل اللأخضر والأحمر , وهنقلب الخضروات كويس لحد ما تلين وتدبل قليلا.

ü      هنضيف الخضروات على الدجاج فى الصينية.

ü      فى نفس الطاسة هنضيف الجزر , والبطاطس , والمشروم , والطماطم ورق اللورا , وهنقلبهم لمدة دقيقة او دقيقتين وبعدين هنضيفهم على الدجاج فى الصينية.

ü      هنصب الكريمة والماء فى الصينية وهنغطيها كويس بورق الفويل.

ü      هنثبت الرف الشبكي في وسط الفرن , وهنسخن الفرن الي درجة حرارة 180م.

ü      هندخل الصينية الفرن لمدة 45 دقيقة وبكده تبقى جاهزة للتقديم.. بالهنا والشفا.

الطهى :

ü       وقت التحضير : 15 دقيقة

ü       وقت الطهي : 50 دقيقة

ü       الوقت الكلى : 1 ساعة 5 دقائق